’Yan sanda sun gano ɗaya daga cikin motocin da aka sace a gidan shugaban ADC

Edo: ’Yan sanda sun gano ɗaya daga cikin motocin da aka sace a gidan shugaban ADCRundunar ’yan sandan Jihar Edo ta gano ɗaya daga cikin motocin Toyota Highlander guda biyu da aka sace a lokacin da wasu ’yan fashi suka kai hari gidan Hon. Kennedy Odion, shugaban jam’iyyar African Democratic Congress (ADC) a jihar.Lamarin ya faru ne a ranar 6 ga Satumba, 2026, a gidansa da ke yankin Uhie, Benin City, inda ’yan fashin suka shiga gidan da misalin ƙarfe 3:00 na asuba. A yayin harin, sun kwashe motocin guda biyu, kuɗi kimanin N500,000, wayoyin hannu guda huɗu da wasu kayayyaki.Bayan samun rahoton harin, Kwamishinan ’yan sandan Jihar Edo, CP Patrick Daaor, ya ziyarci wurin da lamarin ya faru tare da bayar da umarnin gudanar da bincike na musamman domin kamo waɗanda suka aikata fashin tare da dawo da kayayyakin da aka sace.Jami’an Violent Crime Response Unit (VCRU) sun yi amfani da bayanan sirri da suka samu wajen gano ɗaya daga cikin motocin, mai lambar rajista LSR 729 HY, a yankin New Benin.Rundunar ta ce ana ci gaba da gudanar da bincike domin gano mota ta biyu da sauran kayayyakin da aka sace, tare da kamo waɗanda ake zargi da hannu a fashin.Kwamishinan ’yan sandan ya tabbatar wa al’ummar Edo cewa rundunar za ta ci gaba da ƙoƙarin tabbatar da tsaro tare da gurfanar da waɗanda aka kama a gaban kotu.Ya kuma yi kira ga jama’a da su ci gaba da ba jami’an tsaro bayanan sirri kan duk wani mutum ko motsi da suke zargi domin taimakawa wajen dakile laifuka.

a jihar.Madogara: Daily Trust / Rundunar ’Yan Sandan Jihar Edo